تالدىقورعان قالاسىنىڭ جۋرناليستەر ۇيىندە ەلوردانىڭ 20 جىلدىق مەرەيتويى قارساڭىندا «استاناعا 20 جىل» اتتى فوتوكورمە ءوتتى، - دەپ جازادى Qamshy.kz اقپارات اگەنتتىگى.
بيىلعى جىلى ەلىمىزدىڭ جان-جۇرەگى، ارمان قالا، ارۋ قالا استانامىزدىڭ20 جىلدىعىن اتاپ وتپەكپىز. بۇل شىن مانىندە ۇلى توي. بۇگىنگى كۇنى استانا الەمگە تانىمال شاھارعا اينالدى. وسىعان وراي، الماتى وبلىسىنىڭ ىشكى ساياسات باسقارماسى، وڭىرلىك كوممۋنيكاسيالار قىزمەتىنىڭ ۇيىمداستىرۋىمەن «استاناعا 20 جىل» اتتى تاقىرىپتا فوتوكورمە ۇيىمداستىردى. 
كورمەنىڭ ماقساتى «بولاشاققا باعدار: رۋحاني جاڭعىرۋ» باعدارلاماسى اياسىندا استانا قالاسىنىڭ 20 جىل مەرەيتويى قارساڭىندا قالانىڭ كوركەم جەرلەرىنەن سىر شەرتەتىن، ەلدىگىمىزدى تانىتاتىن، ەرەكشەلىگىمىزدى ايقىندايتىن قايتالانباس قولتاڭبالارىن قالدىرعان «Photobar» كلۋبىنىڭ تاڭداۋلى 20 سۋرەتىن حالىق نازارىنا ۇسىنۋ .
«Photobar» ءار ءتۇرلى سالادا قىزمەت اتقاراتىن، الايدا سۋرەت ونەرىنە قىزىعۋشىلىق تانىتاتىن شىعارماشىل ادامداردىڭ بىرلەسكەن ۇيىمى. ۇيىمدا زاڭگەر، ءمۇعالىم، ەكونوميست، مەدبيكە، قاراپايىم قىزمەتكەرلەر مۇشە. الايدا ولار قوعامدا فوتوسۋرەت ونەرىنە دۇرىس كوزقاراس قالىپتاستىرۋعا جانە ەلىمىزدە دە، شەتەلدە دە فوتوگرافتار مەن كلۋب مۇشەلەرىنىڭ شىعارماشىلىعىن ناسيحاتتاۋ جولىندا ەڭبەك ەتۋدە.
«كوپشىلىك نازارىنا ەلوردانىڭ جان بەينەسىن بەينەلەيتىن ءزاۋلىم عيماراتتاردىڭ، قالانىڭ كورىكتى جەرلەرى، ەلباسىمىزدىڭ فوتوسۋرەتتەرى قويىلدى. تابيعاتتىڭ ءتىلىن ءتۇسىنىپ، وعان جان ءبىتىرۋ دەگەن وتە قيىن، كۇردەلى دۇنيە. وسىنداي كوز تارتارلىق سۋرەتتەر شىعارماشىل ادامداردىڭ ىزدەنىس ۇستتىندە جۇرەتىندىگىنىڭ ءبىر دالەلى. فوتوسۋرەتشىلەردىڭ الداعى ۋاقىتتا بۇل كورمەمەن شەكتەلىپ قالمايتىندىعىن، جەتىسۋ جەرىنىڭ اسەم جەرلەرىن بەينەگە ءتۇسىرىپ، ەلىمىزگە، جەرىمىزگە قىزىعۋشىلىق تانىتاتىن ازاماتتارمەن، باسقا ايماقتىڭ تۇرعىندارى كورىپ، قىزىقتاي الاتىن دۇنيەلەر ءتۇسىرىپ ، كەڭ اۋقىمدى جۇمىستار اتقارۋ جوسپاردا،-دەدى «Photobar» كلۋبىنىڭ مۇشەسى سەرگەي ششەرباكوۆ.
«فوتوسۋرەت ونەرى بوياماسىز شىنايىلىعىمەن، تاريحي ءساتتى وتە دالدىكپەن كورسەتىپ بەرە الاتىندىعىمەن قۇندى. وسىنداي تۋىندىلار كورمەنىڭ ارقاۋى بولىپ، سۋرەتتەر اجارلاندىرا ءتۇستى»، - دەيدى كورمە ۇيىمداستىرۋشىسى.
كورمەگە ۆالەريي كالييەۆ، سالاۆات نۋرگوجايەۆ نيكيتا جاركوۆ، رۋسلان حاسانوۆ، ارمان بايسادىكوۆ، ايبەك احانوۆ، بيلال ارسلان، دانا جۋلدىزبەك، ماكسيم روجين، ماكسات شاگىربايەۆ، بوريس برۋل، تۋرار كازانگاپوۆ، گاني ۋميربەكوۆ سياقتى تانىمال فوتوسۋرەتشىلەردىڭ ەڭبەكتەرى قويىلعان.